|
 |
由細到大, 我都有好多夢想同志願,
不過大多數同食物有關。記得以前發夢, 夢見一間由不同種類糖果造成的屋, 間屋好似童話故事的小屋, 有士的 糖煙囪、朱古力夾心餅屋頂、漲卜卜的麵包屋身,
當然唔少得一張由棉 花糖製成的床。夢境入面, 我永遠都係好興奮咁踏入糖果屋, 之後就跳上 張軟棉棉的床, 跟住… … 哈哈… …
我就開大餐。通常我會食朱古力火爐先, 跟住就食曲奇雪櫃, 食到差唔多我就攤上床, 一面食棉花糖, 一面瞌眼訓。唔知係咪因為咁,
我而家唔多鍾意食糖同朱古力, 不過, 呢個夢真係 好深刻, 或者將來真係有機會夢境成真。 |
講到志願, 我不得不提雪糕姐姐!
細個既時候已經好鍾意食雪糕, 每次去尖沙咀一定要食過雪糕先安樂。當時尖沙咀有好多叫雪糕站既雪糕屋, 樓面佈置到好似車咁,
出面掛住個簷逢, 專賣雪糕。雪糕姐姐都好好人, 笑住咁不雪糕。我果時一有雪糕食就開心, 所以覺得雪糕係可以令人開心既野。到而家,
我都覺得雪糕有呢份魔力, 所以好想將呢份幸福既感覺帶俾人。可惜, 冇雪糕屋肯請我, 或者怕我會食晒D雪糕掛? 嘻嘻 …
…
|
|
另一個志願就係做警察。唔知係咪睇得新紮師兄多, 細個的時候真係諗過做
差人, 因為覺得好威同有型, 祇要有警察叔叔的地方, 就好安全, 唔會有壞人!
中五的時候, 我仲玩緊警察遊戲, 又迫同學仔叫我做蘇督察或者Inspector So,
攪埋晒D乜鬼雷霆掃穴同掃黃大行動, 諗起都覺得難為佢地,但係我最後都冇
考過警察。雖然做唔成警察, 但係我依然好敬重警察叔叔。之後電視成日播
廉政乜乜, 廉政物物, 我又想做ICAC。我的志願有唔少都富有正義感同使命
感, 而且都同紀律部隊有關添!
 至於未來既工作,
我抱有一定期望。其實做audit同查案都幾似, 因為都要大膽假設, 小心求証, 應該會幾有趣。現時既目標係成為執業會計師, 所以呢幾年
要好勤力, 學多些不同既野, 充實自己。
 |
現時的理想係開間cake shop, 專賣蛋糕、曲奇、pancake,
雪糕同麵包。經營呢間舖頭唔駛為賺錢而煩惱, 祇為興趣而經營, 咁退休之後, 我就可以消磨時間, 而且總算實踐到做雪糕姐姐的心願,
不過到時我應該係雪糕婆婆啦! 諗起可以一邊嘆自己舖頭出品的美食, 一邊同食客傾偈, 簡直係人生最大既享受呀! 舖頭外最好有個小型遊樂場,
小朋友就可以一面玩一面食, 一家大細開開心心咁渡過一個週末。咁小朋友大個之後, 呢個生活小節就會成為佢地童年回憶的一部份, 而我總算帶到些歡樂俾人。各位朋友,
如果知道邊度有好味的糕點, 記住通知我, 等我偷下師或者儲定錢請果位師傅第日幫我手, 到時呢種"幸福的飲食文化"就可以發揚光大啦!
|
|
