校內活動社交

呢班朋友並唔係讀會計, 多數係攪校內活動時識的。佢地都有個共通點, 就係好搞笑同鬼馬啦!

Harry (阿哥):

覺得你幾叻幾醒, 見份份工都掂。初初覺得你唔多睬人, 以為最多同你做hi & bye friend, 所以話, 人同人相處及了解係要時間的。

Leyond:

你好有自信, 做presentation時好好睇。我欣賞你的地方唔止係你的氣質, 仲有你對朋友份真同爽朗的性格。

Savio (Sa Sa):

覺得你係一個心地非常善良的人, 雖然唔多講野, 但往往好留心人地講乜, 好識體諒人, 係一個好好的聆聽者。

Samuel (Mul Mul):

你係我第一班識到的大學同學, 大家都幾「0岩」key, 有時考試後相約嬉戲, 真係好好玩。你鬼馬的性格真係幾過癮!

Kenneth (CYC):

覺得你好肯幫人, 脾氣又好。我諗你係我識的朋友入面最鍾意笑的一個, 所以成日俾人一種友善的感覺。

Sylvia:

初初以為你只係我組長兼師姐, 點知原來我地都有D淵源, 幾得意。多謝你成日俾書我, 真係慳番唔少。

小龍:

你令我覺得好慚愧。作為組長, 唔單只冇好好照顧組仔, 仲要麻煩你成日反過來幫我, 我真係無用。你份人抵得諗又易相處, 難怪識到咁多朋友。

Edith (毛毛):

你份人熱心幫人, 對人又好熱情, 成日都笑, 俾人一種好開心的感覺。總覺得你帶到不少歡樂俾人, 有時心情麻麻, 見到你都會開心!

阿麒 (麥奴叔叔):

記得整O'Camp個banner時冇人幫手, 之後撞到你, 你好誠懇咁問仲乜唔叫你幫手, 嘩! 幾感動呀! 所以, 你一直俾我的感覺係一個好人。

真係多謝Dept攪咁多活動, 如果唔係就識唔到你。最橋的係你同Sylvia咁好朋友, 世界真係細。每次見到你都覺得好親切, 你又肯幫我, 成日麻煩到你唔好意思呀!

Simon (師兄):

有任何電腦問題就第一個諗起你, 真係好過意唔去, 因為搵親你都係有事相求。不過, 師兄的作用通當都係打救冇用的師妹, 總之唔該晒你啦!